International

कन्नड कलाकार ध्रुव सर्जा र उनकी पत्नीमा देखियो कोरोना

काठमाडौं – कोरोनाको महामारी बढ्दै गइरहेको छ । भारतमा सेलिब्रेटीहरुमा कोरोना पोजेटिभ देखिएका खबरहरु आइरहेका छन् ।

बलिउड स्टार अमिताभ बच्चन, अभिषेक बच्चन, ऐश्वर्या राय र उनकी छोरी, अनुपम खेरको परिवारमा यसअघि कोरोना पोजेटिभ देखिएको थियो ।

यसैबीच कन्नड फिल्म स्टार ध्रुव सर्जामा पनि कोरोना संक्रमण भएको छ । सर्जाले सामाजिक सञ्जालमार्फत पत्नी र आफूमा कोरोना देखिएको बताएका छन् ।

‘म र मेरी पत्नीमा कोरोना देखिएको छ, त्यसपछि हामी आफै हस्पिटलमा भर्ना भएका छौं, मलाई आशा छ कि, छिट्टै निको हुनेछौं,’ उनले ट्वीटरमार्फत जनाएका छन् ।

सर्जाले गतवर्ष आफ्नी गर्लफ्रेण्ड प्रेरणासँग बिहे गरेका थिए । फ्यानले उनीहरूको शीघ्र स्वास्थ्यलाभको कामना गरेका छन् ।

Related Articles

Back to top button
Close