News

शिशु प्रकरण : भाग्य न्यौपानेले माफी माग्दै लेखे यस्तो .. ( पुरा पढ्नुहोस्

काठमाडौं २१ साउन गत साउन १२ गते सोमबार कपनको चौरमा कार्टुनमा शिशु भेटिएको खबर एकाएक झुटो साबित भएपछि यतिबेला सामाजिक सञ्जाल तातिएको छ ।

यसै प्रकरणलाई लिएर युट्युबर भाग्य न्यौपानेको पनि चर्चा भइरहेको छ । न्यौपानेले मंगलबार बिहान केयर बालगृहमा पुगेर आफू मार्फत सहयोग गरिएको रकम फिर्ता लिएका थिए ।

भाग्य न्यौपानेले यस्तो लेखेका छन् :

पछिल्लो समय तात्तातो खबरको युट्युब च्यानलमा अपलोड भएको पुष्पा अधिकारिको अन्तर्वार्तालाई लिएर धेरैले समालोचनात्मक प्रतिक्रिया दिनुभएको छ।

उक्त अन्तर्वार्तामा धेरैले संवेदनशील विषय महिलालाई दुर्यव्यवहार र पत्रकारको आचारसंहिता को कुराहरु उठाउनुभएको छ, यस्तो संवेदनशील बिषयलाई उक्त अन्तर्वार्तामा जोडिएकोले मेरो उक्त प्रतिक्रियाप्रती ध्यानाकर्षण भएको छ।

साउन १३ गते पुष्पा अधिकारिले एउटा शिशु भेटेकोकुरा मिडियामा अत्यन्तै चर्चित बन्यो त्यस दिनको भोलिपल्ट केयर बाल गृहमा हामी वास्तविकता बुझ्न उक्त संस्थामा पुग्यौँ , पुष्पा अधिकारिसंग सम्पुर्ण कुराहरु सोध्यौँ, उक्त बच्चाको हेरबिचारको लागि सहयोगपनी हस्तान्तरण गर्यौँ र त्यहाँ उनले बोलेको कुरा र पछि आएको अभिव्यक्ति नमिलेको कारणले मलाई व्यक्तिगत रुपमा धेरैले म्यासेज तथा कलहरु गरेर त्यस्को वास्तविकता के हो भनेर सोध्नुभयो।

त्यसैले फेरि म केयर बाल गृहमा दोस्रो पटक पुगेँ र त्यो बेला म आक्रोषित पनि भएँ त्यसैले आक्रोषमा मैले समाजिक दुरि कायम गरिन जुन मेरो गल्ती हो, साथै नियतवश मैले कुनैपनी हिसाबले पुष्पा अधिकारिलाई दुर्व्यवहार गरेको होइन र म त्यस्तो व्यवहारको बिरोध गर्छु र अगामिदिन यस्तो विषयप्रती अझ संवेदनशील हुनेछु।

मेरो उक्त भिडियोको कारणले महिला संवेदनामा कुनै आँच पुग्न गएमा म माफी माग्न चाहान्छु। यो विषयमा समालोचनात्मक प्रतिक्रिया गरि मलाई सजग गराउनुहुने सबैप्रती म आभार प्रकट गर्न चाहान्छु।

Related Articles

Back to top button
Close