News

अयोध्याका महन्तमा कोरोना संक्रमण पुष्टि, मोदीसँगै गरेका थिए भूमि पूजा

काठमाडौं । अयोध्याका प्रमुख महन्त नृत्या गोपालदासलाई कोरोना संक्रमण पुष्टि भएको छ। राम मन्दिर निमार्णको लागि भारतका प्रधानमन्त्री नरेन्द्र मोदीसँगै भूमि पुजा गरेका उनलाई कोरोना पुष्टि भएको भारतीय सञ्चार माध्यमहरुले जनाएका छन्।

अयोध्यामा अगष्ट ५ मा राममन्दिरको भूमि पुजामा पूजामा प्रधानमन्त्री मोदी र गोपालदास एउटै मञ्चमा सहभागी भएका थिए। मञ्चमा गोपालदाससँगै मोदी, उत्तर प्रदेशका मुख्यमन्त्री योगीनाथ आदित्यनाथ, उत्तर प्रदेशकका गभर्नर अनन्दिबेन पटेल र राष्ट्रिय स्वंयसेवक संघका अध्यक्ष मोहन भागवत बसेका थिए।गोपालदासलाई कहिले कोरोना संक्रमण भएको हो भन्ने खुलेको छैन।

कार्यालय प्रमुख जानकारीविना राजधानी हिँडिदिँदा…

शीतगङ्गा नगरपालिकाका प्रमुख प्रशासकीय अधिकृतले जानकारीविना नै कार्यालय छाडेपछि कार्यालयको काम प्रभावित भएको छ। प्रशासकीय अधिकृत अर्जुन गौतम नगरपालिकामा कुनै जानकारीसमेत नदिई हिँडेपछि नगरपालिकाको कार्यपालिका बैठकसमेत प्रभावित भएको छ।

गौतमले यही साउन २६ गते कार्यपालिकाको बैठकका लागि सबै कार्यपालिका सदस्यलाई सूचना गरेर आफू अघिल्लो दिन नै कसैलाई निमित्तसमते नदिई कार्यालय छाडेर हिँडेपछि बैठक नै बस्न नसकेको नगर प्रमुख सूर्यप्रसाद अधिकारीले बताए।

वर्षात्का समयमा गाडी नचल्ने बाटामा पैदल हिँडेर कार्यपालिका बैठकमा भाग लिन नगरपालिका पुगेका कार्यपालिकाका सदस्य बैठक नबसेकामा दुखित भएको वडा नं ७ का वडाध्यक्ष मोहन पन्थीले बताए।

भौगोलिक हिसाबले नेपालकै सबैभन्दा ठूलो नगरपालिकामा गोरुसिंँगे–सन्धिखर्क सडकबाहेकका अन्य अधिकांश सडक पहिराले अवरुद्ध बनेका छन्। कार्यालय प्रमुख कार्यालय छाडेर जाँदा नगर प्रमुखलाई जानकारी दिने र निमित्तको जिम्मेवारी दिनुपर्ने भए पनि गौतमले कसैलाई निमित्तको जिम्मेवारीसमेत नदिँदा कार्यलयका अधिकांश कार्य रोकिएको नगर उपप्रमुख टीका रेश्मीले बताए।

नगर प्रमुख र उपप्रमुखले आफूलाई सरुवा गर्न थालेको जानकारी पाएपछि त्यसको प्रतिरक्षाका लागि आफू काठमाडौँ आएको गौतमले टेलिफोनमा बताए। निमित्त कसैलाई दिनु नपर्ने र आफू मातहतको वरिष्ठ कर्मचारी स्वतः निमित्त हुने उनको भनाइ थियो। रासस

Related Articles

Back to top button
Close