News

बहुचर्चित नायिका रेखा थापाको आज जन्मदिन, शुभकामना दिनेको ओइरो

काठमाडौँ । बहुचर्चित नायिका तथा निर्मात्री रेखा थापाको आज जन्म दिन परेको छ । उनी वि सं २०३९ भाद्र ५ गते जन्मिएकी हुन् ।

उनी आमा सरस्वती थापा र प्रेम थापाको कोखबाट जन्म लिएकी हुन् । उनी सन् १९९९ मिस नेपालमा सहभागी भएर उत्कृष्ट दस मा पर्न सफल भएकी थिइन् । धेरै नेपाली फिल्ममा सफल अभिनय गरेकी रेखाले निर्माता छवि राज ओझाको फिल्म हिरोबाट नेपाली चलचित्र क्षेत्रमा डेब्यू गरेकी हुन् ।

त्यसपछि उनले विस्तारै अन्य चलचित्रमा पनि काम गर्न सुरु गरेपछि नेपाली फिल्म क्षेत्रमा एक छत्र राज गरेकी हुन् ।उनी अभिनित मितिनी, धड्कन, हामी तीन भाई, कर्णवीर, दुर्गा, देवर बाबु, कस्ले र्चोयो मेरो मन, हिम्मतवाली, किस्मत, तथास्तु, मालिका, लगायतका फिल्मबाट उनले चर्चा पाइन् ।

पछिल्लो समय निर्देशन र निर्माणमा समेत उनी ब्यस्त छिन् । फिल्ममा एक्सन अवतारमा देखिने थापाले वर्षैपिच्छे फिल्म निर्माण तथा निर्देशन गर्दै आएकी छिन् । जन्मदिनका दिन उनलाई ओएस नेपालको शुभकामना ।

Related Articles

Check Also
Close
Back to top button
Close