News

कोरोना जितेकी किशोरीलाई आफ्नै खर्चमा स्नातकसम्म पढाउने घोषणा

काभ्रे । नमोबुद्ध नगरपालिकाका प्रमुख टिपी शर्मा तिमल्सिना कोरोना संक्रमण जितेर घर फर्किएकी युवतीको अभिभावक बनेका छन् । १७ बर्षिय युवतीको शिक्षाका लागि लाग्ने सम्पूर्ण खर्च आपफुले ब्यहोर्ने गरी अभिभावकत्व ग्रहण गरेका हुन् ।सामान्य ज्वरो आई अस्वस्थ भए पछि स्थानीय मेडिकल हुँदै बनेपा र धुलिखेल अस्पतालमा उपचार गराईरहेकी नमोबुद्ध नगरपालिका ५ की युवतीमा साउन ३१ गते संक्रमण पुष्टी भएको थियो । विहिबार भाद्र ११ गतै संक्रमण मुक्त भई घर गएकी युवतीलाई थप हौसला प्रदान गरी बाँकी अवधीको शिक्षाका लागि नगर प्रमुख टिपी शर्मा तिमल्सिनाले अभिभावकत्व ग्रहण गर्ने प्रतिवद्धता ब्यक्त गरेका छन् ।

नगर प्रमुख तिमल्सिनाले युवतीको स्नातक तहसम्मको शिक्षाका लागि व्यक्तिगत तर्फबाट खर्च व्यहोर्ने गरी अभिभावकत्व ग्रहण गरेका हुन् ।वडाअध्यक्ष बुद्ध सिंह तामाङसँगै किशोरीको घरमा पुगेका तिमल्सिनाले किशोरीको परिवारको आर्थिक अवस्था कमजोर रहेको जानकारी पाए पछि आफ्नै खर्चमा स्नातकसम्म पढाउने निर्णय गरेका हुन् । किशोरी अहिले कक्षा १२ मा अध्ययनरत छिन् । उनको परिवारमा ६ जना छन् भने परिवारको आर्थिक अवस्था कमजोर रहेको छ । उनका पिता सामान्य खेती किसानी गरेर परिवार चलाउँदै आएका छन् ।

देशका विभिन्न स्थानमा कोरोना संक्रमितमात्रै नभई उनीहरुको उपचारमा संलग्न स्वास्थ्यकर्मी माथि समेत दुव्र्यवहार भइरहेका बेला किशोरी र उनको परिवारको हौसला बढाउन तिमल्सिना किशोरीको घरमा पुगेर अभिभावकत्व ग्रहण गरेको बताए ।नमोबुद्ध नगरपालिकाका प्रमुख तिमल्सिनाले विगतदेखि नै व्यक्तिगत तर्फबाट विपन्न र जेहेन्दार विद्यार्थीको शिक्षाका लागि सहयोग गर्दै आएका छन् । आफ्नो जन्मदिनको अवसर पारेर उनले बुधबार १ लाख रुपैयाँ भन्दा बढी रकम विद्यार्थीहरुको शिक्षाका लागि प्रदान गरेका थिए ।

Related Articles

Back to top button
Close